Shumë gra shtatzëna përjetojnë dhimbje teksa fëmijët lëvizin në barkun e tyre. Gjatë tremujorit të dytë, mund të filloni të ndjeni një dhimbje të sikletshme tek brinjët, në bark ose vaginë, ndërkohë që fëmija lëviz. Kjo ndodh sepse fetusi po rritet dhe muskujt e tij bëhen më të fortë, duke i bërë lëvizjet më të fuqishme.
Ndjesia që japin këto dhimbje është si një prerje me thikë. Madje duket sikur fëmija po praktikon akrobaci në mënyrë intensive.
Dhimbja mund të shkaktohet edhe nëse fëmija qëndron në të njëjtin pozicion pa lëvizur për një kohë të gjatë. Në këtë rast do ta ndjeni zonën ku është pozicionuar fëmija si të lënduar.
Duhet të keni parasysh se secila shtatzani është e ndryshme nag tjetra, kështu që nuk ka arsye për tu shqetësuar nëse dëgjoni mikeshat tuaja që nuk kanë të njëjtat shqetësime me ju. Apo edhe nëse ju vetë nuk keni të njëjtat dhimbje si në shtatzaninë e mëparshme. Kjo është dëshmia se rrugëtimi i secilit fëmijë për të ardhur në këtë jetë është unik dhe ju duhet ta shijoni si të tillë.
A janë shqetësuese dhimbjet që ndihen gjatë lëvizjes së fëmijës?
Dhimbja e shkaktuar nga lëvizjet e foshnjës nuk ka gjasa të jetë shqetësuese megjithatë nëse zgjat shumë dhe shoqërohet nga simptoma të tjera, atëherë konsultohuni me mjekun. /Gazeta Shneta/