Shtatzënia dhe lindja e fëmijës kanë një ndikim drastik në hormonet e trupin tonë, teksa na përgatisin për lindjen e fëmijës, dhe ushqyerjen me gji. Nivelet e hormoneve nuk kthehen në nivelet normale menjëherë pas lindjes, që do të thotë se hormonet që zakonisht rregullojnë periodat tona janë më pak të rëndësishme gjatë kësaj kohe.
Është plotësisht normale që gratë të përjetojnë perioda të çrregullta pas lindjes dhe ndryshimet në frekuencën dhe volumin e periodës suaj pas shtatzënisë – janë të mundshme, shkruan motherandbaby.co.uk, transmeton Gazeta Shneta.
Përveç ndryshimeve hormonale ka edhe faktorë të tjerë që mund të ndikojnë në ciklin tuaj pas lindjes. Gratë fitojnë një peshë të konsiderueshme gjatë shtatzënisë dhe pas lindjes, kjo jo gjithmonë zhduket.
Disa nënat mund të humbin peshë shumë shpejt për shkak të mungesës së gjumit dhe dietës së dobët. Pesha ka një ndikim të fortë në hormonet në trup dhe kjo ndikon më pastaj dhe në ciklin tuaj menstrual.
Ovulacioni gjithashtu luan një rol kyç në ciklin tuaj menstrual dhe dihet se frekuenca e ovulacionit zvogëlohet pas shtatzënisë kjo mund të çojë në perioda të c’rregullta.
Cikli menstrual mund të jetë i c’rregullt edhe gjatë dhënies së gjirit. Nënat e fillojnë ovulimin pas lindjes – shumë më vonë.
Prolaktina, hormoni përgjegjës për sekretimin e qumështit e zhduk procesin e ovulacionit, që do të thotë ndërsa një nënë ushqehen me gji, prolaktina do të mbetet në trup, duke ndikuar në procesin e ovulacionit.
Vetëm një herë një cikli i suksesshëm i ovulimit do të fillon menstruacionin përsëri.
Nëse ushtroni ju keni më shumë gjasa të rifitoni trupin tuaj para shtatzënisë dhe të mbani peshën tuaj.
Kjo ndihmon në rikthimin e ekuilibrit të hormoneve në trupin tuaj, i cili është një faktor i rëndësishëm në përcaktimin e periodave tuaja.
Poashtu një dietë e shëndetshme pas lindjes është shumë e rëndësishme pasi ndihmon në rikthimin e lëndëve ushqyese të humbura gjatë shtatëzanisë dhe lindjes.
Një dietë e shëndetshme do të ndikojë gjithashtu në çdo ç’ekuilibër të hormoneve në trup.
Nëse doni që periodat tuaja të kthehen në ciklin e rregullt atëhere shmangni kontraceptivët. Këto më tepër ndërhyjnë në ovulim dhe mund të ndikojnë në ciklin tuaj menstrual. Ka metoda tjera kontraceptive që nuk përfshijnë hormone të tilla si prezervativ ose pajisja intrauterine (IUD) të cilat ju mund të diskutoni me mjekun tuaj./Gazeta Shneta/