A është vërtetë e domosdoshme të urinoni pas marrëdhënieve, apo kjo mbetet vetëm një mit për gratë.
Në fakt, e vërteta është se urinimi pas marrëdhënieve ju ndihmon të pastroheni nga bakteret e mundshme. Nxjerrja e urinës ndihmon në parandalimin e infeksioneve në traktin urinar, shkruan healthline, transmeton Gazeta Shneta.
Kjo preferohet të bëhet më së shumti 30 minuta pas marrëdhënieve.
Por a mund ta parandaloj urinimi edhe shtatzëninë? Jo, edhe nëse urinoni disa sekonda pas marrëdhënieve. Kjo për faktin se gjatë marrëdhënieve ejakulimi bëhet në kanalin vaginal, ndërsa urina lirohet nga uretra.
Këto janë dy organe të ndara dhe urinimi nuk ka asnjë ndikim në vaginën tuaj. Nëse sperma ka hyrë në vaginë, nuk ka asnjë mundësi për ta kthyer mbrapsht dhe tani do të udhëtojë drejt vezës.
Por disa gjinekologë preferojnë që nëse jeni duke u përpjekur që të mbetni shtatzënë, të mos ngriheni menjëherë pas marrëdhënieve. Kjo i jep kohë spermatozoidit që të udhëtojë drejt vezës dhe shton mundësinë që të mbeteni shtatzënë. /Gazeta Shneta/