Në rast se fëmija juaj është 10 muajsh ose më shumë dhe preferon të pijë vetëm qumësht, ky mund të kthehet në problem të rëndësishëm.
Megjithëse qumështi i formulës dhe i gjirit përmbajnë lëndë ushqyese, qumështi nuk do t’i sigurojë të gjitha vlerat ushqyese të nevojshme. Shumicën e tyre tani duhet ta marrë nga ushqimet e ngurta.
Stomaku i fëmijës suaj është shumë më i vogël se i juaji, kështu që ai ka nevojë për sasi të vogla ushqimi. Nëse mbushni stomakun e fëmijës me qumësht, nuk do të ketë më hapësirë për ushqime të ngurta.
Nëse fëmija juaj nuk po merr një sërë ushqimesh të ngurta, ai mund të humbasë lëndë ushqyese të rëndësishme, siç është hekuri. Mungesa e hekurit mund të sjellë anemi.
Ushqimet e ngurta janë gjithashtu të rëndësishme sepse forcojnë muskujt e nofullave, që janë shumë të rëndësishme kur fëmija të mësojë të flasë.
Futja e ushqimeve të ngurta shumë më vonë se 6 muaj pas lindjes, do të thotë që fëmija juaj mund të ketë vështirësi në përshtatjen me shijet e reja dhe të bëhet tekanjoz ndaj ushqimeve.
Gjithmonë ofrojani qumështin pasi ka ngrënë, sepse nëse ia jepni përpara ushqimeve, do të mjaftohet vetëm me qumësht./pernenat.al/