Në faqen e saj zyrtare, pediatre Lira Gjika ka veçuar një karakteristikë të shprehur tek fëmijët e moshës 2-3 vjeç. Sipas saj, fëmijët janë në një moshë ku e kanë të vështirë të dalloj të mirën ndaj të keqës, edhe në rastet kur shfaqin një sjellje agresive ndaj fëmijëve të tjerë. Por, si duhet vepruar në këtë rast, na tregon vet pediatrja në postin e publikuar në rrjetin social “Facebook”.
Shkruan Lira Gjika
Në moshën 2-3 vjeçare fëmijët çfain një lloj agresiviteti me fëmijët e tjerë, u marrin lodrat apo u shkulin flokët apo I shtyjnë. Këto veprime janë sa të pa fajshme aq me dashje. Në këtë moshë fëmija nuk e di apo nuk e ka bërë të tijën konceptin e “të mirës dhe të keqes”. Edhe pse në pamje është agresive dhe e keqe, në fakt janë hapat e para drejt ndërtimit të komunikimit me tjetrin si moshatar dhe fëmijë. Dhe natyrisht hapat e para, nuk janë as të lehta dhe as të sigurta. Fëmija nuk kontrollon ende as veten dhe as veprimin. Ai nuk di ende konceptin “e imja e tjetrit”, ai thjeshtë do një gjë apo nuk e do. Pikërisht me çfaqjen e këtyre sjelljeve fillon dhe mësimi i skemës “e imja- e tjetrit” dhe “e mirë –e keqe”. Ky “mësim”kërkon prezencën e të rriturit dhe durimin e tij. Gjthashtu në këtë moshë, fëmija nuk di ende të luaj vetë me fëmijët e tjerë, duhet patjetër prezenca e të rriturit që të bëjë ndërmjetësin, të ushqejë lojën dhe të evitojë situata të tilla. Për fat të keq ne i lejmë fëmijët të luajnë vetëm, por kjo është e pamundur në këtë moshë, duhet patjetër prezenca e të rriturit. Kur fëmija shkul flokët e fëmijës tjetër, apo e shtyn apo I merr lodrën, duhet ndaluar me takt, duke cilësuar që “është një veprim I gabuar dhe nuk të lejon ty të bëhesh vajzë e zonja apo djalë I zoti sic dëshiron”. Të rritur! Në të tilla raste, mos ndërhyni me rrëmbim dhe me fjalën “mos”, por përdorni vetëm një fjalë duke e shqiptuar prerë. Mbase fjala më e saktë për tu përdorur mund të jetë, fjala “jo”. Duhet përdorur një fjalë e vetme sepse fëmija fjalën e parë nuk e dëgjon, kështu duke u përsëritur dy tre herë të njëjtën fjalë, fëmija do të fillojë ta njohë komandën dhe do të fillojë ta zbatojë. Dhe mbasi situata qetësohet, tregojini fëmijës pse e ndaloni dhe pse ky veprim nuk duhet bërë. Lira Gjika