“Bëj kujdes!”, “Jo aq i lartë!” “Boll me atë!”
Shpeshherë prindërit e shqetësuar mund t’i dëgjoni duke kërkuar nga fëmijët e tyre të bëjnë më shumë kujdes kur luajnë. Një hulumtim I fundit ka nxjerrë gjetje që thonë se mbrojtja e tepruar e prindërve për fëmijët nuk është sjellja e duhur sepse të vegjëlve ju duhet të përballen me më shumë mundësi kur janë në ambiente të jashtme, transmeton GazetaShneta.
Lojërat që sfidojnë fëmijët sjellin më shumë emocione dhe I bën ata që të provojnë kufijtë e tyre dhe të duan të guxojnë të provojnë gjëra për herë të parë. Ata ngjiten me pemë, ndërtojnë shtëpi nga druri, bredhin lagjen me miqtë ose luajnë me top. Hulumtimet tregojnë se kjo lojë lidhet me rritjen e aktivitetit fizik, aftësive sociale, aftësive të menaxhimit të rrezikut, elasticitetit dhe vetëbesimit. Këto gjetje kanë kuptim intuitiv kur shikoni fëmijët në lojë, raporton “The Conversation”.
Është me rëndësi që prindërit ose ekspertët të mos vendosin se çfarë është e rrezikshme për një fëmijë të caktuar. Përkundrazi, fëmijëve u duhet t’u jepet hapësirë mendore dhe fizike që të kuptojnë nivelet e duhura të rrezikut për veten e tyre:
Parandalimi i fëmijëve nga eksplorimi i gjërave të panjohura mund të ketë pasoja në shëndetin mendor dhe në procesin e zhvillimit të tyre, si rritja, sjellja, ankthi dhe fobitë e ndryshme.
Vendosja e limiteve të panevojshme në lojën e fëmijës ose edhe ekstremi tjetër, kur prindërit I bëjnë fëmijët e tyre tejet aktiv janë të dyja problematike. Roli ynë si më të rritur është t’u japim fëmijëve lirinë për të eksploruar dhe për të luajtur lirshëm sepse kështu zhvillojnë imazhinatë dhe kultivojnë trimërinë./GazetaShneta/