Të gjithë jemi në dijeni se gjumi është i rëndësishëm. Por një studim nga SHBA sugjeron se gjumi – ose thënë më mirë, koha e gjumit – është edhe më i rëndësishëm sesa ne mendonim.
Hulumtuesit nga Universiteti Shtetëror i Ohajos zbuluan se fëmijët e moshave 3-5 vjeç që vazhdimisht shkuan në shtrat para orës 20.00 ishin më pak të prirur të ishin obezë si adoleshentë raporton Essential Baby, transmeton Gazeta Shneta.
Anasjelltas, ata zbuluan se shtyrja e gjumit të një fëmije deri në orën 9 ose më vonë dyfishon mundësinë e tyre për t’u bërë obez.
Dr Sarah Anderson tha se studimi përforcon rëndësinë e një rutine të mirë të gjumit.
Megjithatë, Dr Anderson gjithashtu vë në dukje se koha e gjumit mund të jetë situatë e tensionuar gjithashtu.
“Është e rëndësishme të kuptojmë se të kesh orar gjumi të rregullt mund të jetë më sfiduese për disa familje sesa për të tjerët”, tha ajo.
“Familjet kanë shumë kërkesa konkurruese dhe ndryshime që bëhen. Për shembull, nëse punon vonë, kjo mund të shtyjë fjetjen për disa orë më vonë.”
Vicki Dawson, themeluesi dhe CEO i Bamirësisë së Fëmijëve, tha për The Huffington Post UK se gjumi është shumë e rëndësishme në mbështetjen e zhvillimit të fëmijëve.
“Ne mirëpresim hulumtime që hulumtojnë ndikimin e privimit të gjumit në mirëqenien fizike, emocionale dhe mendore të fëmijëve.”, tha Vicki./Gazeta Shneta/