Sipas një hulumtimi të ri, uji mund të jetë shkaktari i ekzemës, sëmundja e lëkurës që është mjaft e zakonshme tek fëmijët.
Për këtë gjendje të lëkurës nuk ekziston ndonjë trajtim shërues, mirëpo sipas studimit më të ri, të botuar në Revistën për alergji dhe imunologji klinike, uji i fortë (uji i cili përmban sasi të madhe të mineraleve të tretura, siç janë kalciumi dhe magnezi) mund të shtojë rrezikun e shfaqjes së ekzemave.
Studimi nuk është bërë vetëm për të zbuluar shkaktarët dhe veprimin e ekzemave, por edhe për të hulumtuar lidhshmërinë e ujit dhe ekzemave.
Ekzema shfaqet së pari në faqe, të cilat nisen të pezmatohen dhe të thahen. Lëkura mund të jetë e skuqur ose në lëkurën e pigmentuar paraqiten hije të purpurta, ngjyrë kafe ose edhe të bardhë. Mund të zhvillohet në ballë dhe lëkurë të kokës (skalp).
Krahas me rritjen e foshnjës, ekzema ka tendencë zhvillimi në trup dhe në duar nga ana e përparme e bërrylave dhe në këmbë prapa gjunjëve. Gjithashtu mund të paraqitet edhe rreth nyjeve të dorës dhe të këmbës./Telegrafi/