Sipas disa psikologëve, vitet e adoleshencës fillojnë kur një fëmijë është nga 9 deri 13 vjet dhe është një periudhë tranzicioni ku kërkojnë të bëhen më të pavarur.
Për ta bërë sa më të lehtë këtë periudhë tranzicioni, fëmijët duhet t’iu vijnë në ndihmë fëmijëve, dhe t’i përvetësojnë disa aftësi para se t’i mbushin 13 vjet.
Të fitojnë dhe t’i menaxhojnë paratë
Fëmijës mund t’i mësoni aftësi bazike financiare kur të jenë shumë të vegjël. Në moshën 13 vjeçare, fëmijët duhet të jenë të aftë të ruajnë para nga paratë që ua jepni çdo ditë, të jenë të vetëdijshëm se sa kushtojnë gjërat bazike të shtëpisë, dhe të jenë të aftë të marrin vendime rreth shpenzimit dhe kursimit.
Duhet të jenë të aftë t’i bëjnë punët e shtëpisë
Sipas disa specialistëve të psikologjisë, fëmijët mund të bëjnë shumë punë të shtëpisë që në moshë të hershme. Në moshën 13 vjeçare, fëmijët duhet të jenë të aftë të rregullojnë krevatin, t’i fusin rrobat në lavatriçe, t’i ndërrojnë çarçafët, ta pastrojnë makinën, etj.
Të përgatisin bukë
Gatimi është aftësi e rëndësishme që fëmijëve iu nevojitet para se të bëhen të rritur, dhe ka shumë receta të lehta që mund t’ua mësoni fillestarëve. P.sh., fëmijës mund t’i mësoni si të përgatitë vezë, pasta, sallata, sanduiçë, etj.
Menaxhimi i kohës
Aftësitë për menaxhimin e kohës janë esenciale: fëmija juaj duhet të jetë i aftë të planifikojë, të vendosë prioritete dhe të punojë në mënyrë produktive. Mundohuni t’i ofroni fëmijës mjete që mund t’i ndihmojnë të jetë më efiçient, siç janë kalendarët e veçantë apo aplikacionet e ndryshme në telefon.
(BalkanWeb)