Një mjeke gjinekologe ka dal në mbrojtje të kryeministrit Ramush Haradinaj për dyfishimin e rrogës së tij.
Deputetja e AAK-së, Time Kadriaj, e cila është gjinekologe me profesion, ka dalë në mbrojtje të shefit të saj.
Mbrëmë në emisionin Interaktiv në KTV, ajo ka deklaruar se Haradinaj do ta arsyetojë rritjen e pagës me punën që e bënë.
Deputetja e AAK-së, Time Kadrijaj në emisionin “Interaktiv” të KTV-së, e ka cilësuar të dinjitetshme pagën e rritur prej 2950 euro të kryeministrit Ramush Haradinaj.
Kadriaj ka deklaruar se paga e mjekëve nuk mund të rritet 100 për qind.
“Në fund të fundit kemi një kryeministër, mjek ka shumë. Nëse duhen të rriten pagat, atëherë duhet të rriten pagat e mjekëve, arsimtarëve. Duhet të rriten edhe pensionet. Nuk është në rregull që një kryeministër kushdo që vjen pas Haradinajt të ketë pagë të ulët. Është barazuar me vendet e rajonit. Nëse do të kryeni punë, që të mos korruptohesh, më mirë është të kesh një pagë të dinjitetshme. Duhet të kemi një pagë të dinjitetshme që të mos korruptohen”, ka thënë veç të tjerash Kadrijaj. /Gazeta Shneta/