Të vjellat e mëngjesit janë shpesh shenjë e parë e shtatzënisë. Është ankesë e zakonshme por e cila kalon pas tre muajve në shtatzëni. Megjithatë, për disa gra, të vjellat e rënda të mëngjesit mund të jenë problematike.
Shkruan: Dr. Ahmet Payasli
Më poshtë kemi dhënë disa këshilla për të vjellat e mëngjesit.
1) Pushoni mirë – është me rëndësi të bëni gjumë të mirë gjatë natës, por edhe dremitjet gjatë ditës ju ndihmojnë shumë.
2) Hani me kujdes – ushqimet e yndyrshme dhe djegëse si dhe kafeina shtojnë gjasat për lirimin e thartirës së stomakut. Ushqimet e thata janë më të lehta. Po ashtu, konsumoni porcione të vogla me ushqime si banane, dardha, patate të pjekura, oriz dhe bukë të thatë.
3) Vazhdoni të jeni aktiv – aktiviteti fizik i përmirëson simptomat e marramendjes.
4) Pini lëngje mjaftueshëm – është me rëndësi të pini lëngje të bollshme gjatë shtatzënisë, ngase dehidrimi i përkeqëson simptomat e marramendjes dhe të vjellave.
5) Çaj xhenxhefili dhe mente – xhenxhefili moti përdoret për tretje dhe lehtësim të stomakut. Çaji prej xhenxhefilit apo mentës e qetëson stomakun.
6) Vishni rroba të rehatshme – rrobat e ngushta i përkeqësojnë simptomat e marramendjes.
7) Vitaminat dhe suplementet – suplementet duhet të merren vetëm me rekomandim të mjekut. Vitamina B6 në veçanti e pakëson marramendjen.
8) Larg ekranit – ekranet e kompjuterit, televizorit dhe telefonit në mënyrë të pahetueshme mund të kontribuojnë në të vjellat e mëngjesit.
9) Shmangni nxitësit – të vjellat e mëngjesit ndërlidhen me ndjeshmërinë e shtuar ndaj aromave. Aromat e forta i përkeqësojnë simptomat, por ekstraktet e limonit dhe rozmarinës ndihmojnë.