Një studim global i bashkëdrejtuar nga studiuesit në Universitetit Queensland dhe shkolla mjekësore e Harvardit kanë zbuluar se një në dy njerëz do të zhvillojnë një çrregullim të shëndetit mendor gjatë jetës së tyre.
Profesor John McGrath së bashku me kolegët, analizuan të dhënat nga më shumë se 150,000 të rritur në 29 vende të ndryshme midis periudhës 2001 dhe 2022.
Autori kryesor, profesor McGrath tha se rezultatet tregojnë prevalencën e lartë të çrregullimeve të shëndetit mendor, me 50 për qind të popullsisë që zhvillon të paktën një çrregullim deri në moshën 75 vjeçare, shkruan Medical Xpress transmeton Gazeta Shneta.
“Më të zakonshmet ishin çrregullimet e humorit si depresioni i madh apo ankthi”, tha profesori McGrath.
“Ne gjithashtu zbuluam se rreziku i disa çrregullimeve mendore ndryshonte sipas seksit.”
Tre çrregullimet më të zakonshme të shëndetit mendor tek gratë:
– depresioni;
– fobi specifike (një ankth paaftësues që ndërhyn në jetën e përditshme);
– stresi post-traumatik (PTSD).
Tre çrregullimet më të zakonshme të shëndetit mendor tek meshkujt:
– abuzimi me alkoolin;
– depresioni;
– fobi specifike.
Hulumtimi gjithashtu zbuloi se çrregullimet e shëndetit mendor zakonisht shfaqen fillimisht në fëmijëri, adoleshencë ose moshë madhore.
“Kjo i jep peshë nevojës për të investuar në neuroshkencën bazë për të kuptuar pse zhvillohen këto çrregullime.”
Studimi është publikuar në “The Lancet Psychiatry”. /Gazeta Shneta/