Falë trajtimit të ri tani do të jetë e mundshme të eliminohen simptomat e menopauzës së hershme dhe do t’u mundësohet femrave, të cilat përballen me këtë problem, që të mbeten shtatzënë.
Shkencëtarët e Universitetit Ogasta në Gjeorgji, kanë testuar këtë trajtim, ashtu që qelizat amë nga palca kurrizore i kanë injektuar në vezore të 33 femrave të cilat kanë hyrë në menopauzë të hershme, transmeton Telegrafi.
Pas gjashtë muajve, trajtimi ka treguar efikasitetin e vet, ndërkaq ato sërish kanë filluar të kenë menstruacione. Shkencëtarët thonë që kjo terapi do të mund të përdoret edhe si zëvendësim për terapi hormonale.
Dështimi i hershëm i vezoreve (POF) është gjendje sfiduese për shkak të humbjes së funksioneve të vezoreve te femrat të cilat janë më të reja se 40 vjeç.
“Kjo është diagnoza traumatike në jetën e hershme riprodhuese, e cila çon në simptome posmenstruale dhe në sterilitet. Kur këto paciente dëshirojnë të mbeten shtatzëna, i vetmi opsion është që të marrin vezore nga donatoret, mirëpo shumica e femrave për arsye të ndryshme religjioze, kulturologjike dhe etike dëshirojnë të përdorin qelizat e vezoreve të veta”, thotë dr. Prosper Igboeli.
Ai ka theksuar që gjendjen shëndetësore e pjesëmarrëseve në studim e ndjek gjatë gjithë kohës dhe se ka vërejtur që niveli i estrogjenit te këto femra është ngritur, menjëherë pas marrjes së injeksionit me qeliza amë.
Pikërisht për këtë shkak pas gjashtë muajve sërish u kanë ardhur menstruacionet, ndërkaq tani po përpiqen të mbeten shtatzëna.