Gratë të cilat punojnë gjatë turneve të natës, e kanë më të vështirë që të mbeten shtatzënë, thonë ekspertët.
Puna me turne dhe jokonsistenca në punë mund të lidhet me fertilitetin e ulët sipas një studimi të kryer në Shkollën e Mjekësisë së Harvardit.
Gratë të cilat kryejnë punë fizike ku kërkohet ngritja e peshave, po ashtu mund ta kenë të vështirë që të mbeten shtatzënë, thuhet në këtë studim, shkruan Daily Mail, transmeton Klan Kosova.
Shkencëtarët besojnë se kjo lidhet me nivelin e hormoneve të cilat pësojnë luhatje në bazë të ciklit të gjumit zgjimit dhe tendosjes fizike.
Ata kanë zbuluar po ashtu se gratë që punonin gjatë turneve të natës, kishin 24% më pak vezë të rritura – ato vezë të cilat janë të afta të shndërrohen në një embrion të shëndetshëm.