Pasi të kalojnë meso-moshën, shumica e grave bëjnë shumë më pak marrëdhënie seksuale se më herët. Kurse, edhe ato që kanë përvoja seksuale përjetojnë më pak kënaqësi nga ajo.
Disa nga arsyet, sipas studimeve të kryera është çështja fizike për humbjen e dëshirës seksuale dhe kënaqësisë seksuale. Po ashtu, arsyet psikologjike dhe emocionale mund të jenë një pjesë më e madhe e rënies së këtyre përvojave sesa është menduar më parë, transmeton Gazeta Shneta.
Është e vërtetë se simptomat fizike të menopauzës – periudha të nxehtësisë së lartë trupore, thatësia vaginale, marrëdhënie të dhimbshme dhe problemet me gjumin – janë një pengesë për intimitet.
Ajo që studimet gjetën ishte se arsyeja kryesore për mungesën e aktivitetit seksual ishte mungesa e një partneri. Kjo ishte më së shpeshti për shkak se partneri i gruas kishte vdekur dhe gruaja nuk ishte duke kërkuar ose nuk kishte gjetur një partner të ri, përcjellë Health Line.
Megjithatë, edhe pse 65 për qind e pjesëmarrësve në studim kanë pasur një partner, vetëm 23 për qind ishin seksualisht aktivë në muajin para studimit.
Këto gra përmendën gjendjen mjekësore të një partneri, mosfunksionimin seksual të partnerit, shëndetin e tyre fizik, simptomat e lidhura me menopauzën dhe medikamentet që po merrnin.
Arsyet e tjera të rëndësishme të përmendura nga pjesëmarrësit e studimit përfshinin shqetësimet e imazhit të trupit, stresin, ndryshimet në humor, vetëbesimin dhe problematikat tjera mes çiftit.
E tërë këto çështje pastaj bëhen bashkë për të ndikuar në uljen e vetbesimit tek gratë, tek mënyra se si e përceptojnë feminitetin e tyre dhe deri tek humbja e kënaqësisë seksuale. /GazetaShneta/