Akulloret janë gjithësej të sigurta gjatë shtatzënisë.
Nëse konsumoni vetëm një akullore nuk i shkaktoni asnjë dëm bebit që po zhvillohet brenda barkut tuaj. Madje akullorja përmban një sasi të lartë kalciumi që ndihmon në zhvillimin e kockave dhe dhëmbëve të bebit.
Megjithatë duhet të tregoni kujdes pasi një akullore përmban mesatarisht 16 gramë sheqer të shtuar dhe rreth 110 kalori, kështu që konsumimi i tepruar saj mund të ndikojë në shtimin në peshë, një faktor që rrit rrezikun për pasur një lindje me operacion. Sasia e sheqerit që akullorja përmban mund të bëjë që edhe fetusi të shtojë shumë në peshë dhe kështu proçesi i lindjes mund të bëhet edhe më i vështirë.
Rreziku nga ndotja e akullores me baktere.
Mesa duket edhe bakteret “mendojnë” se akullorja është freskuese, ndaj duhet të tregoheni të kujdesshme nëse konsumoni akullore në shtatzani.
Bakteret që ndodhen në makinerinë që prodhon dhe shërben akulloren, mund ta ndotin shumë shpejt këtë ëmbëlsirë të preferuar për një pjesë të madhe të grave shtatzëna.
Nëse ju e konsumoni akulloren ku janë përqëndruar edhe këto baktere, mund të shkaktohen efekte negative në lëngun tuaj amniotik ose të ketë një ndikim negativ në zhvillimin e fetusit. Kjo gjë mund të shkaktojë komplikacione që mund të shkojnë deri në ndërprerjen e shtatzanisë.
Ndaj duhet të konsumoni vetëm akullore nga marka të garantuara të cilat tregtohen nëpër dyqane të cilët kanë higjienë shumë të mirë. Asnjëherë mos blini akullore që kanë qëndruar në vend të hapur dhe me diell pasi rreziku i ndotjes nga bakteret është më i madh./pernenat.al/