Një ngjarje tragjike ndodhi dje në Prizren, ku një grua humbi jetën pasi dyshohet se ra në ashensorin e banesës. Viktima nuk arriti t’iu bëjë ballë lëndimeve të rënda dhe vdiq para disa orësh.
Rastin e ka konfirmuar edhe Policia Rajonale në Prizren, të cilët thanë për Sinjalin se viktima është 47-vjeçare, teksa po kryhen ekzaminimet e nevojshme që ndihmojnë në zbardhjen e rrethanave të rastit.
Nga Policia po ashtu njoftuan se mjeku e ka konstatuar vdekjen e viktimës, si dhe ka dhënë informacionet e para të rastit.
“Ju informojmë se me datë 20.06.2024, rreth orës 20:50 kemi pranuar një informatë për një person të lënduar të dërguar nga Urgjenca në Emergjencën Spitalore. Pasi patrulla është angazhuar në rast, është vërtetuar që rasti kishte ndodhur në Prizren, deri te incidenti kishte ardhur pasi viktima kishte thirrur liftin për ta përdorur, dera e liftit ishte hapur dhe viktima kishte rënë në hapsirën e liftit nga kati i dytë dhe për pasoj viktima kishte pësuar lëndime të rënda trupore. Viktima nuk ka mundur tu përballoj plagëve dhe kishte ndërruar jetë, nga mjekët e Emergjencës është konstatuar vdekja e personit H. V., femër, lindur me 1977 me banim në Prizren. Policia po heton rastin dhe do të veprohet sipas udhëzimeve të prokurorit”, thuhet nga policia.
