Qeveria e vendit nuk arriti të vendosë kufizime shtesë pavarësisht paralajmërimeve për një lloj të ri më të rrezikshëm të variantit në fillim të marsit, pretendojnë ekspertët.
Një panel i shkencëtarëve indianë kishin paralajmëruar zyrtarët në fillim të marsit për një variant të ri dhe më ngjitës të koronavirusit që po zë vend, shkruan The Guardian përcjell Gazeta Shneta.
Pavarësisht paralajmërimit, katër nga shkencëtarët thanë se qeveria federale nuk kërkoi të vendoste kufizime të mëdha për të ndaluar përhapjen e virusit, njoftoi Reuters të shtunën.
Miliona njerëz kryesisht pa masat mbrojtëse si maskën, morën pjesë në festivale fetare dhe tubime politike që u mbajtën nga kryeministri Narendra Modi, udhëheqësit e partisë qeverisëse Bharatiya Janata dhe politikanët e opozitës.
Vendi i dytë më i populluar në botë tani po lufton nga një valë e dytë infeksionesh shumë më të rënda se ajo e para – vitin e kaluar, për të cilën disa shkencëtarë thonë se po përshpejtohet nga varianti i ri dhe një variant tjetër i zbuluar për herë të parë në Britani.
India raportoi një tjetër rekord botëror 401.993 raste të reja me koronavirus të shtunën, ndërsa vdekjet nga Covid-19 u rritën me 3.523 gjatë 24 orëve të fundit. Ekspertët besojnë se shifrat reale janë shumë më të larta. /Gazeta Shneta/