Gratë shtatzëna janë më të rrezikuara nga shumë sëmundje për shkak të ndryshimeve fizike dhe hormonale që ndodhin gjatë kësaj periudhe. Një nga problemet më të shpeshta shëndetësore është infeksioni i traktit urinar (ITU), i cili mund të përparojë në një gjendje më serioze të veshkave, të njohur si pielonefriti.
ITU është një infeksion bakterial që prek fshikëzën dhe strukturat përreth saj. Cistiti përfshin vetëm fshikëzën, ndërsa pielonefriti shfaqet kur bakteret kalojnë nga fshikëza drejt veshkave përmes ureterëve.
Tek femrat, rreziku është më i lartë për shkak të afërsisë së uretrës me anusit dhe gjatësisë së shkurtër të uretrës, gjë që e lehtëson kalimin e baktereve, kryesisht Escherichia coli, shkruan Health News transmeton Gazeta Shneta.
Gjatë shtatzënisë, disa faktorë shtojnë rrezikun e ITU-së:
Ndryshimet hormonale dhe fizike: Progesteroni relakson muskujt e traktit urinar, duke bërë që urina të qëndrojë më gjatë dhe të krijojë terren për bakteret.
Shtypja e ureterëve: Mitra e rritur pengon rrjedhjen e urines.
Imuniteti i dobësuar: Trupi përqendrohet në mbrojtjen e fetusit, duke u bërë më i prekshëm ndaj infeksioneve.
Bakteriuria asimptomatike (ASB): Shfaqet pa simptoma, por mund të çojë në cistit ose pielonefrit nëse nuk trajtohet.
Simptomat e ITU-së përfshijnë dhimbje ose djegie gjatë urinimit, urinim të shpeshtë dhe ndjesi urgjence. Pielonefriti shoqërohet me dhimbje në shpinë, ethe, të dridhura, nauze, kontraksione dhe ulje të presionit të gjakut.
Për këtë arsye, gratë shtatzëna monitorohen rregullisht për praninë e baktereve në urinë. Nëse zbulohet infeksion, trajtimi me antibiotikë është i domosdoshëm për të parandaluar komplikimet serioze. /Gazeta Shneta/