Pirja e kafesë çdo mëngjes ka disa përfitime shëndetësore, por konsumimi në sasi të mëdha mund të rrisin rrezikun e sëmundjes kardiovaskulare.
Një filxhan kafe mund të jetë një nisje e vogël dhe vetëm ajo që ju nevojitet për t’u zgjuar në mëngjes, transmeton GazetaShneta.
Një gotë e dytë me kafe mund t’iu frymëzojë sadopak që të dilni nga shtëpia, ndërsa një gotë e tretë (OK, madje edhe një e katërtë) konsumohet kur ju jeni tejet të lodhur.
Por nëse jeni nga personat që pini sasi të mëdha të kafesë mund të vini veten përballë disa komplikimeve të rënda shëndetësore.
Studiuesit australianë zbuluan se pirja e gjashtë ose më shumë gotave kafeje në ditë rrit rrezikun e sëmundjes së zemrës deri në 22 përqind, përcjellë “Mother.ly”.
Disa studime të mëparshme kanë shikuar përfitimet e mundshme shëndetësore për këtë pije të ngrohtë – dhe kanë gjetur shumë – por pak kanë bërë përpjekje për të zbuluar se në çfarë pike rreziqet e konsumimit të pijeve të kafeinës fillojnë të tejkalojnë limitet e shëndetit.
Ju ende mund të konsumoni kafen tuaj në mëngjes – përfitimet e mundshme janë ende reale – por nëse keni nevojë për një arsye për të zvogëluar sasinë e kafesë, atëherë konsiderojeni këtë artikull si një pikënisje.
Pasi të pini më shumë se gjashtë gota në ditë, po rritni rrezikun për sëmundje kardiovaskulare, të cilat mund të fshijnë çdo përfitim të mundshëm nga pesë gotat e para.
“Ne nuk mund të identifikojmë përfundimisht lidhjen shkakësore, dhe këto rezultate mund të jenë më të lidhura me zgjedhjet e tjera të jetesës ose sjelljes nga ana e konsumatorit”, thotë Dr. Zahn. “Prandaj, mjekët nuk rekomandojnë kafe për parandalimin e sëmundjes apo shkaqe të tjera shëndetësore, por ne dimë se provat mbështesin sigurinë e konsumimit të kafesë në shumicën e rasteve”./GazetaShneta/