Kolegji Amerikan i Obstetërve dhe Gjinekologëve njoftoi vitin e kaluar se ishte këshilluar që çdo grua të fliste me mjekun e saj brenda tre javëve të para pas lindjes, por shumica e grave ende i përmbahen kontrollit konvencional gjashtë javësh.
Në të kundërtën, nënat në pritje zakonisht e shohin mjekun e tyre një herë në muaj gjatë tremujorit të parë, çdo dy javë ose më shumë në të dytin, dhe një herë në javë në fund të së tretit, transmeton GazetaShneta.
Për shkak se fokusi më i madh vihet në kohë kur gruaja është shtatzënë, kjo ndikon që nevojat e paslindjes të marrin shumë më pak vëmendje.
Po ashtu, temat e tilla si rimëkëmbja pas lindjes, si të dini më shumë rreth lotëve vaginalë, si të njihni komplikimet e zakonshme që lidhen me lindjen cezariane, janë infomacione që për nënat e rraskaptira nga shtatzënia nuk mund të treten aq lehtë.
Ndërkohë, nënat e reja duhet të bëhen avokatët e vetes, tha për “HealthLine”, Sarah Verbiest, drejtoreshë e Institutit Jordan për Familjet në Universitetin e Karolinës së Veriut.
“Gruaja ka rëndësi dhe ajo duhet të pyesë për atë që ajo ka nevojë – askush nuk do t’ia japë asaj. Nëse ajo po kalon nëpër dhimbje, ajo duhet të telefonojë mjekun e saj. Është në rregull edhe nëse kërkoni ndihmë”, tha Verbiest./GazetaShneta/