Kardiologu në Klinikën e Kardiologjisë në QKUK, Beni Musliu, ka kritikuar ministrin e Shëndetësisë Uran Ismaili pse po e prezanton vetëm punën e Kardiologjisë Invazive.
Musliu, i cili punon në Klinikën e Kardiologjisë e cila tashmë është e ndarë nga Kardiokirurgjia me Kardiologji Invazive, i ka treguar Ismaili disa statistika të aritmologjisë intervente, për pesmejkeret, implantime etj, shkruan Gazeta Shneta.
“Minister ke harru ose ske desht me prezentu punen e pjeses tjeter te kardiologjise intervente aritmologjia intervente me elektrostimulim ku qe shume vite punohet me perkushtim me sukses te plote duke intervenuar me implantime direkte ne zemer jeteshpetuese pesmejket vvi-r njedhomesh dydhomesh Icd njedhomrsh dy dhomesh dhe kishim implantime 5 crtd crtp te gjitha me sukses te plote pa asnje komplikim.keto intervenime i bejme ne nivel european ekipi prej 4 kardiologesh aktualisht shume experta qe lakmon bota:dr imriu drejtor dr beni shef.ud dr banushi me dr edin te palodhshem prandaj meritojm edhe ne nje fjale goje nga institucionet e kosoves e jo heshtje sikur sekzostojm fare”, ka shkruar Musliu.
Këtë koment kardiologu e ka shkruar në faqen zyrtare të ministrit Ismaili, i cili bëri një postim për shifrat e Kardiologjisë Invazive.
Gazeta Shneta ka raportuar për fryrjen e përqindjes në grafikonin e Ismailit për shifrat e shërbimeve në Invazivë. /Gazeta Shneta/
Ministri i Harvardit ia huq përqindjes, e fryn numrin e shërbimeve në Kardiologji