Shtatzania mund të jetë një nga fazat më të bukura në jetën e një gruaje. Por nuk është e gjitha një shtrat me trëndafila, shpesh vjen me grupin e disa sfidave.
Duke lënë mënjanë çdo ndërlikim, shumica e shqetësimeve të shtatzanisë shkaktohen nga ndryshimet hormonale.
Të përziera dhe të vjella
50% e grave shtatzëna ankohen për të përziera dhe të vjella si shenjën e parë të shtatzanisë. Sëmundja e mëngjesit zakonisht fillon në javën e gjashtë të shtatzanisë dhe vazhdon deri në javën e 12-të.
Refluksi gastroezofageal ose urthi
Një valvul midis stomakut dhe tubit të ushqimit kufizon që acidi i stomakut të kthehet përsëri në tubin e ushqimit. Gjatë shtatzanisë, trupi çliron hormonin e progesteronit i cili relakson këtë valvul. Kjo lejon që acidi i stomakut të arrijë në tubin e ushqimit dhe të shkaktojë urth.
Kapsllëku
Shumica e grave shtatzëna ankohen për kapsllëk në tremujorin e fundit të shtatzanisë, megjithëse mund të ndodh në çdo fazë.
Ndyshimi në nivelet e hormoneve është arsyeja më e zakonshme e kapsllëkut gjatë shtatzanisë. Nivelet e rritura të progesteronit, hormonit relaksues, ngadalësojnë funksionimin e rregullt të zorrëve.
Ushqimi qëndron në zorrë për një kohë më të gjatë dhe zorra e trashë thith pjesën më të madhe të ujit nga jashtëqitjet në zorrë. Kjo e bën jashtëqitjen më të vështirë për t’u kaluar.
Lodhja
Trupi juaj kalon shumë ndryshime gjatë shtatzanisë, veçanërisht gjatë tremujorit të parë. Ju ndiheni të lodhur sepse trupi juaj po punon shumë për t’u përgatitur për të ushqyer një jetë të re brenda vetës. /GazetaShneta/