Kur është afruar muaji i agjërimit për gjithë besimtarët e fesë Islame, Dr Drita Kabashi këshillon të gjitha shtatzënat rreth agjërimit.
Këshillën e Dr Drita mund ta lexoni më poshtë:
Luten shumë të gjitha pacientet të cilave nuk ua lejon shëndeti të mos e mbajnë muajin e agjërimit. Agjërimi nuk është i menduar që të rrezikojë jetën e njerëzve.
Sidomos agjërimi me sëmundjen e sheqerit dhe diabetit është një sfidë e veçantë. Në mesin e të rriturve në nivel botëror, diabeti ka një shtrirje deri 7%, që i bie se diabetik të fesë Islame janë diku rreth 120 milionë njerëz. Sipas studimeve në vendet Islame rreth 50 milionë diabetik e mbajnë agjërimin.
Rreziqet nga agjërimi me sëmundje të sheqerit janë disa, prej të cilave më të shpeshta janë:
Hipoglikemia – ulja e sheqerit në gjak
Hiperglikemia – ngritja e sheqerit në gjak
Dehidrimi – humbja e tepërt e lëngjeve prej trupit
Hipoglikemia – ulja e sheqerit në gjak, është një gjendje që rrezikon seriozisht jetën dhe në total 2-4 % e diabetikëve me tip 1, vdesin nga gjendja e hipoglikemisë edhe pa agjërim. Gjatë agjërimit, mundësia për hipoglikemi rritet për 5-7 herë.
Hiperglikemia – ngritja e sheqerit në gjak po ashtu është gjendje që rrezikon jetën dhe konsiderohet se është pasojë e ndryshimit të mënyrës të të ushqyerit dhe modifikimit (zvogëlimit të dozave) të terapisë me qëllim të evitimit të gjendjeve të hipoglikemisë.
Dehidrim – humbja e tepërt e lëngjeve prej trupit është pasojë e privimit nga konsumi i ujit dhe lëngjeve dhe po ashtu si pasojë e djersitjes së tepërt gjatë ditëve të nxehta.
Dhe unë u përqendrova vetëm në disa nga arsyet te diabetikët. Është shumë me rëndësi të ceket se vendimin për të agjëruar ose jo, duhet ta merrni duke u konsultuar me mjekun tuaj.
Për fund: Urimet më të mira për muajin e Ramazanit.