Ky ilaç po i ndihmon nënat që nuk kanë pasur kurrë fëmijë, të mbesin shtatzënë

2017-05-24 në ora 13:18

Nëse keni vështirësi për të mbetur shtatzënë, mund të ndodhë që të provoni ndonjë ndërhyrje mjekësore të kushtueshme. Zgjidhja e këtij problemi, mund të jetë më e thjeshtë se që ju mendoni!

Një studim i kohëve të fundit tregon se aspirina mund të jetë e dobishme për gratë që janë duke u përpjekur të mbeten shtatzënë – dhe mund të jetë edhe ndihmë për gratë që kanë pasur shumë aborte gjatë shtatzënisë, transmeton Gazeta Shneta.

Studiuesit nga Instituti Kombëtar i Shëndetësisë Eunice Kennedy vunë re të dhëna nga një grup grash që kishin pësuar një ose dy aborte gjatë shtatzënisë, për të parë nëse një dozë ditore e ulët e aspirines mund të ndryshonte rezultatet e tyre.
Sipas gjetjeve të tyre, përfitimi mund të jetë i pranishëm – të paktën midis grave që vuanin nga inflamacioni, i cili ka qenë i lidhur me shkaqet e infertilitetit.

Gratë u vendosën në grupe në bazë të niveleve të tyre të gjakut të proteinave C-reaktive, të cilat matin inflamacionin në trup dhe disa gra të anketuara morën ‘placebo’, ndërsa të tjerëve iu dhanë aspirina. Gratë, rezultatet e të cilave treguan nivele të larta të inflamacionit, duket se kishin rezultate më të mira me aspirinë, ndërsa gratë në këtë grup që morën ‘placebo; kishin vetëm 44 përqind të lindjeve të gjalla, ndërsa ata që morën aspirinë panë një normë të lindjes prej 59 përqind.

Ndërsa autorët theksuan se ata do të duhet të bëjnë më shumë kërkime për të kuptuar plotësisht këtë lidhje, kjo mund të jetë një mënyrë e thjeshtë por efektive për gratë që kanë luftuar për të arritur shtatzënitë  të rrisin shanset e tyre për rezultatet pozitive./Gazeta Shneta/