Këshilla për kujdesin e zonës së shërimit nga lindja me prerje cezariane

2022-06-08 në ora 22:47

Shërimi nga procesi i prerjes cezariane nuk është i lehtë – dhe ndërkohë që jeni duke u shëruar nga operacioni, po kujdeseni edhe për foshnjën.

Bëni çmos për të pushuar sa më shumë që të jetë e mundur dhe kërkoni ndihmë në mënyrë që të mos përpiqeni të merreni me vaktet, punët e shtëpisë, vizitat dhe kujdesin për fëmijët e tjerë gjatë periudhës së rikuperimit pas lindjes, shkruan burimi Baby Center përcjell Gazeta Shneta.

Dëgjoni trupin tuaj dhe mos e teproni. Ecja është e mirë për shërim, por ushtrimet e forta dhe ngritja e çdo gjëje më të rëndë se fëmija juaj do të duhet të presin.

Për të mësuar më shumë rreth komplikimeve të shtatzënisë KLIKO KËTU.

Këtu janë disa këshilla për kujdesin e prerjes suaj cezariane:

Pastroni zonën e prerjes me shumë butësi me sapun dhe ujë – një herë në ditë. Mos e fërkoni prerjen tuaj, thjesht lëreni sapunin dhe ujin të kalojnë mbi të. Thajeni me një peshqir të pastër kur të keni mbaruar.

Nëse shkoni në shtëpi me një fashë mbi prerjen tuaj, ndërroni atë një herë në ditë.

Nëse keni fasha të vogla – të bardha, ngjitëse direkt mbi prerjen tuaj, mos u përpiqni t’i lani ato. Ju mund të bëni një dush me fashat ngjitëse dhe thajeni prerjen tuaj më pas me një peshqir të pastër.

Nëse keni ngjitës mbi prerjen tuaj, mund të hiqni çdo ngjitës të mbetur pas dy ose tre javësh.

Mos vendosni asnjë krem, losion ose pomadë në prerjen tuaj pa pyetur mjekun tuaj. /Gazeta Shneta/