Me këtë përbërje natyrale nuk do të keni më thembra të çara

2017-03-13 në ora 15:14

Shumë gra kanë problem me thembrat e tyre që u thahen shumë, e më pas ato edhe çahen.

Por nuk duhet të paguani shuma të majme parash për të pasur thembra të buta. Mund ta bëni vetë tretmanin tuaj në shtëpi, me kosto minimale.

Më poshtë keni një metodë krejtësisht natyrale dhe shumë efektive, transmeton Klan Kosova.

Çfarë ju duhet?

2 lugë gjelle sodë buke

4 – 5 litra ujë të nxehtë

Krem (për fytyrë ose duar)

Një brushë ose një sfungjer

Opsionale: Vaj esencial të livandës

Si ta përgatisni këtë tretman?

Merrni një enë dhe mbusheni me ujë, e në të më pas vendoseni sodën e bukës derisa ajo të tretet krejtësisht.

Sigurohuni se uji nuk është as shumë i nxehtë e as shumë i ftohtë. Poashtu mund të shtoni ca pika të vajit esencial.

Mbajini këmbët tuaja në enën me ujë për 15 minuta dhe më pas largoni shtresat e lëkurës së vdekur. Pastrojini këmbët me ujë dhe më pas lyeni ato më krem dhe veshni çorape në mënyrë që lëkura të përthithë më mirë kremin.

Përsëriteni këtë tretman për dy herë në javë, aq kohë sa të vëreni rezultatet me të cilat ju jeni të kënaqur.