Simptomat e shtatzënisë së hershme shpesh mund të imitojnë ato të sindromit premenstrual (PMS).
Mund të jetë e vështirë për një grua të dijë nëse ajo është shtatzënë ose thjesht duke përjetuar fillimin e një periudhe tjetër menstruale, transmeotn GazetaShneta.
Është e rëndësishme që një grua të dijë sa më shpejt që të jetë e mundur nëse ajo është shtatzënë në mënyrë që të marrë masat e duhura para lindjes. Ajo gjithashtu mund të dëshirojë të bëjë ndryshime të caktuara jetese, të tilla si abstenimi nga alkooli, marrja e vitaminave para lindjes dhe përmirësimi i dietës së saj, shkruan “Mother.ly”.
Bërja e testit të shtatzënisë është mënyra më e mirë dhe më e lehtë për të përcaktuar nëse simptomat janë nga dhimbjet mensruale apo bëhet fjalë për shtatzëni të hershme. Ju mund të merrni një test në shtëpi ose edhe të vizitoni mjekun apo kujdestarin tuaj shëndetësor.
Disa simptoma të zakonshme të PMS dhe shtatzënisë së hershme përfshijnë:
– dhimbje të gjirit
– rrjedhje gjaku
– ndryshimet e humorit
– lodhje
– ndjeshmëria ndaj ushqimit
– ngërçet
Testet e shtatzënisë që mund të bëhen edhe në shtëpi janë shumë të sakta pas ditës së parë të periudhës suaj të humbur. Nëse merrni një rezultat pozitiv në testin e shtatzënisë në shtëpi, duhet të caktoni një takim me mjekun tuaj menjëherë. Pastaj përmes ultrazërit konfirmohet edhe data e shtatzënisë.
Por nëse mendon se mund të jesh shtatzënë, atëherë duhesh të marrësh masat e nevojshme dhe jo të bazohesh vetëm në disa simptoma të thjeshta./GazetaShneta/