Ekzistojnë disa ushqime që ndihmojnë në rregullimin e gjumit tek fëmijët, kryesisht ato që mbajnë aminoacide.
Fëmija ka disa ditë që nuk fle qetë. Duhet të gjejmë një zgjidhje. Duhet të ndryshojmë menunë e darkës dhe t’i japim ushqime që nxisin gjumin e mirë dhe të qetë. Orizi, elbi dhe bishtajoret përmbajnë triptofan, një aminoacid që jep qetësi dhe rregullon gjendjen shpirtërore. Ndër ushqimet e tjera që e ndihmojnë fëmijën të flejë mirë janë: Kungull i njomë, banane, karrota, kumbullat dhe spinaqi. Të gjitha këto ushqime janë të pasura me kalium, që rregullojnë rrahjet e zemrës.
Frutat që rekomandohen në darkë në mënyrë që t’i japin qetësi fëmijës janë: kajsia, molla dhe pjeshka. Gjithashtu pula dhe patatet e furrës të cilat përmbajnë sheqerna dhe vitaminë B6. Këto dy të fundit ndihmojnë fëmijën të qetësohet sepse janë të pasura me triptofan
Ushqimet që duhet të shmangni para se fëmijët të flenë
Në darkën e fëmijëve nuk duhet të ketë mish të kuq dhe peshk. Këshillohet që këto ushqime t’i konsumojë në drekë kur mund të kryejë dhe aktivitet. Brokoli, zarzavatet dhe çokollatat shkaktojnë shqetësim tek fëmija dhe është mirë të shmangen në darkë para se të flejë gjumë. Gjithashtu duhet të shmangni kripën, erëzat, mustardën, ushqimet e ndryshme me aromë si dhe frutat e thata./pernenat.al/