Kirurgët në Izrael kryen një operacion të mrekullueshëm dhe arritën t’i ribashkonin një djaloshi kokën me trupin pasi ai u godit nga një makinë teksa po ngiste biçikletën e tij.
Suleiman Hassan, një palestinez 12-vjeçar nga Bregu Perëndimor, pësoi atë që njihet si një prerje e brendshme e kokës, me kafkën e tij të shkëputur nga rruazat e sipërme të shtyllës kurrizore i njohur zyrtarisht si një dislokim dypalësh i nyjeve okupitale atlanto, sipas gazetës The Times të Izraelit, shkruan Fox10, transmeton Gazeta Shneta
Hasani po ngiste biçikletën e tij kur një makinë e goditi. Djali u dërgua me urgjencë në Qendrën Mjekësore Hadassah dhe u fut menjëherë në operacion në njësinë e traumës. Mjekët thanë se koka e tij ishte “pothuajse plotësisht e shkëputur nga baza e qafës“.
Dr. Ohad Einav, specialisti i ortopedisë që drejtoi operacionin, tha se procedura zgjati disa orë dhe kërkoi që mjekët të përdornin “pllaka të reja dhe fiksime në zonën e dëmtuar”.
“Aftësia jonë për të shpëtuar fëmijën ishte falë njohurive tona dhe teknologjisë më inovative në sallën e operacionit”, tha Einav, duke shtuar se ekipi “luftoi për jetën e djalit”.
Einav dhe ekipi i tij thanë se Hassan ka një shkallë të parashikuar të mbijetesës prej vetëm 50%, dhe shërimi i tij nuk është asgjë më pak se një mrekulli.
Ky operacion ka ndodhur në qershor, por mjekët kanë pritur një muaj për të shpallur rezultatet./Gazeta Shneta/