Në Klinikën e Kirurgjisë Pediatrike, u realizuan dy intervenimet e para me kirurgji minimale invazive me laparaksop.
QKUK ka njoftuar se mjekët e klinikës e cila udhëhiqet nga Dr. Murat Berisha, e kanë realizuar rastin e parë tek një fëmijë 13-vjeçar i cili ishte i diagnostikuar si varicocele e testitit (zgjerim i venave të testitit) të anës së majtë. Intervenimi është kryer me sukses dhe pacienti është liruar në shtëpi në gjendje të mirë pas vetëm një ditë qëndrimi në spital, transmeton Gazeta Shneta.
Ndërkaq rasti i dytë një pacient i moshës 10 vjeç, i diagnostikuar si cholelithiasis ( gurë në fshikëzën e tëmthit). Pacienti është liruar pas dy ditë qëndrimi në spital, në gjendje të mirë shëndetësore. Kjo metodë e operimeve ka shumë përparësi në raport me operacionet kirurgjike klasike sepse është me invazion minimal .
Pacientët e operuar pas operacionit e marrin veten shumë më shpejt, i kthehen aktiviteteve normale të jetës, kurse ulet shkalla e invaliditetit dhe kostoja e hospitalizimit.
Stafi mjekësor i Klinikës së Kirurgjisë Pediatrike, përfshirë kirurgët pediatrik, anesteziologët dhe stafin e mesëm shëndetësor do të vazhdojnë të kryejnë operacione me metoda të tilla minimale invazive, thuhet në njoftimin e QKUK-së. /Gazeta Shneta/