Një ekip kirurgësh specialistë në Arabinë Saudite kanë ndarë me sukses binjakët jemenas, Yousef dhe Yassin, pas një operacioni “të ndërlikuar” të pandërprerë që zgjati 15 -orë.
Binjakët ishin të bashkuar në disa organe dhe 24 mjekë u përfshinë në procedurën për ndarjen e tyre.
“Në zbatim të direktivave të mbretit Salman, kirurgët specialistë të Arabisë Saudite ia dolën edhe një herë të ndajnë binjakët jemenas Yousef dhe Yassin, djemtë e Mohammed Abdulrahmanit, gjatë një operacioni të ndërlikuar pa ndalesë 15-orëshe, në të cilin 24 mjekë të specializuar në neurokirurgjinë pediatrike, kirurgjia plastike, anestezia dhe infermieria e udhëhequr nga Dr. Mutasem Al-Zughaibi morën pjesë në operacion,” tha Qendra e Ndihmës Humanitare dhe asaj të Mbretit Salman në një deklaratë për Arab News, përcjell Gazeta Shneta.
Dr. Abdullah Al-Rabeeah, kreu i ekipit mjekësor dhe kirurgjik për operacionet e ndarjes, tha se ky proces me katër faza është një ndër më të komplikuarit.
Dr. Nazar Al-Zughaibi, kreu i anestezisë pediatrike, raportoi për Arab News se:
“Ky ishte një operacion kompleks për shkak të binjakëve që ndajnë së bashku sinuset, venat cerebrale dhe pjesëve të trurit.”
Dr. Al-Zughaibi shtoi se: “Operacioni u krye në disa faza: Anestezia, planifikimi i navigimit, përgatitja për kirurgji, kujdesi i lëkurës dhe përgatitja për indet e trurit, kockat dhe rindërtimi me kirurgji plastike”.
Për të mësuar më shumë rreth komplikimeve të shtatzënisë KLIKO KËTU.
“Gjendja e binjakëve të ndarë i nënshtrohet kujdesit dhe kontrollit të rreptë, kjo është arsyeja pse ata janë në njësinë e kujdesit intensiv duke u monitoruar rregullisht”, tha mjeku për Arab News.
Ai shtoi se pas ndarjes, Yousef ishte stabil, por Yassin është ende në gjendje kritike për shkak të humbjes së konsiderueshme të gjakut.
Korrikun e kaluar, mjekët sauditë ndanë një foshnjë jemenase nga binjaku i saj i cili ishte operacioni i tyre i 50-të i suksesshëm mbi binjakët e bashkuar. /Gazeta Shneta/