Kirurgu vaskular Dr. Avdullah Qafani i cili i takon komuniteteve pakicë në Kosovë, që 10 vite po lufton për të hedhur poshtë një vendim të Ministrisë së Shëndetësisë i cili ia ndaloi punën në Spitalin e Përgjithshëm të Gjakovës.
Mjeku i cili aktualisht punon në Spitalin e Traumës “Rashid” në Dubai të Emirateve të Bashkuara Arabe, po konsideron se rasti i tij shfaq mungesën e sundimit të ligjit dhe trajtimin e pabarabartë të qytetarëve të komuniteteve rom, ashkali dhe egjiptas, transmeton Gazeta Shneta.
“Per te treguar se ne territorin e Kosoves nuk ka sundim te ligjit dhe ka trajtim te pabarabarte te qytetareve te Kosoves te komuniteteve rom ashkali dhe egjyptian qe eshte ne kundershtim me Kushtetuten e saj une se shpejti do te dal publikisht me dokumentet e gjykimit tim gjegjesisht padise kunder Ministrise se shendetesise e cila me ka pamundesuar ofrimin e sherbimeve shendetesore .Jo vetem institucionet shteterore por edhe organet qe duhej ti mbronin ato te drejta jane shkelesit me te medhenj te lirive dhe te drejtave te njeriut dhe te drejatave te pakicave”, ka shkruar Qafani në Facebook.
“Gjykimi im ka filluar ne vitin 2008. Gjykatesi i lendes mua si kirurg te pergjithshem dhe vaskular dhe punen time e vlereson me pak se 20 cent ne dite. Gjykata e apelit dhe kryetari i kolegjit i cili ben vizita ne Strasburg dhe ‘mbron te drejtat e njeriut dhe te pakicave’ ne vitin 2019 e kthen lenden ne rigjykim”, thuhet në postimin e mjekut Qafani.
Për rastin e tij ka reaguar edhe deputeti i Kuvendit të Kosovës, Veton Berisha, i cili ka alarmuar se mjekut i është bërë e padrejtë nga institucionet e shtetit. /Gazeta Shneta/