Shtatzënia mund të jetë momenti më i gëzuar për nënën dhe babain, por megjithatë kjo periudhë ka edhe sfidat dhe vështirësitë e veta.
Kjo për arsye se duhet bërë gjithçka për të mirën e shëndetit të fëmijës, i cili tanimë po rritet në barkun e nënës.
Për këtë arsye nënës së re i duhet një regjim ushqimor i shëndetshëm dhe sa më i pasur në vitamina, proteina, minerale, fibra dhe elementë të tjerë ushqyes.
Në mendësinë popullore femra shtatzënë mund dhe duhet të hajë gjithçka. Kjo është shumë e gabuar pasi të ngrënët pakufi nuk nënkupton domodoshmërisht shëndet më të mirë. Në listën e mëposhtme do të gjeni një listë më ushqimet e ndaluara gjatë shtatzënisë.
Mishi i pabërë: Shmangni kategorikisht mishin e pagatuar gjatë shtatzënisë pasi ai rrit mundësinë e prekjes nga toksoplasmosa, një infeksion i krijuar nga paraziti me të njëjtin emër.
Djathërat e butë dhe gjysmë të butë: Kërkojmë ndjesë nëna, por gjatë kësaj faze nuk mund të konsumoni djathë Gorgonzola dhe Camembert pasi rrezikoni të prekeni nga listerioza.
Qumështi jo pasterizuar: Qumështi është shumë i rëndësishëm në regjimin e një gruaje shtatzënë, por vetëm ai i pasterizuar. Qumështi i papasterizuar përmban agjentë patogjenë të dëmshëm.
Vezët e gjalla: Shmangni konsumin e vezëve të gjalla pasi e bardha e vezës përmban avidinë, një substancë që pengon përhtithjen e vitaminës H.
Pijet alkolike: E dimë që ju tundon një gëllënjkë verë ose një kokteil me alkolin tuaj të preferuar, por duhet të prisni deri në fund të nëntë-mujorit. Konsumi i pijeve alkoolike mund të dëmtojë zhvillimin fizik të fetusit.
Coca- Cola: Coca-Cola nuk është e ndaluar plotësisht, por do të ishte mirë nëse e konsumoni në mënyrë të limituar pasi përmban ëmbëltues artificialë të pashëndetshëm.
Konservat me ton dhe peshk shpat: Mjekët nutricionistë dhe gjinekologë ndalojnë konsumin këtyre peshqve pasi kanë sasi të larta mërkuri.
Peshku i tymosur: Duhet ta evitoni këtë lloj peshku pasi përmban Listeria monocytogenes, një bakter shumë i rrezikshëm për shëndetin e nënës dhe fetusit. /Living