Megjithëse na është rekomanduar vazhdimisht konsumimi i ujit për të qëndruar të hidratuar, tek bebet nuk qëndron e njëjta gjë.
Konsumimi i ujit nga foshnjet mund të shkaktojë dehje, që mund të kthehet në një gjendje serioze, transmeton Gazeta Shneta.
Konsensusi i përgjithshëm është që foshnjat të ushqehen vetëm me qumësht derisa t’i mbushin së paku gjashtë muaj.
Katie Zeratsky, një dietiste në Klinikën Mayo, thotë se foshnjat mund të jetojnë pa ujë deri në moshën një vjeçare.
“Bebet marrin të gjitha nevojat e tyre fluide përmes qumështit të gjirit ose formulës. Madje, edhe në një ditë të nxehtë, ato arrijnë t’i marrin të gjitha nevojat e tyre të hidratimit nëpërmjet metodës së gjidhënies apo formulës, “tha ajo për Buzzfeed.
Si rregull, foshnjave nuk duhet t’u jepet ujë para se t’i mbushin gjashtë muaj. Bebet duhet të pinë qumësht nga gjiri i nënës apo formula.
Qumështi përmban të gjitha lëndët ushqyese që ka nevojë për fëmijë, si: proteina, vitamina, minerale, karbohidratet dhe yndyrat. Nga konsumimi i ujit, ato humbasin këto komponente jetike./Gazeta Shneta/