Gratë që kanë pasur kancer të gjirit të fazës së hershme dhe mbesin shtatzënë, kanë shanse të pakta për përsëritjen e kancerit dhe vdekjen si shkaktar i tij, në krahasim me gratë që nuk mbesin shtatzënë, sipas rezultateve të nxjerra nga studimi më i madh ndonjëherë, i kryer për të shqyrtuar këtë çështje.
Studimi është i pari që fokusohet në mënyrë specifike në sigurinë e shtatzënisë për gratë, kanceret e të cilëve janë ushqyer nga estrogjeni shkruan Essential Baby, transmeton Gazeta Shneta.
Hulumtuesit thanë se përfundimet e tyre duhet të zbusin shqetësimet në mesin e disa mjekëve dhe pacientëve se shtatzënia, e cila rezulton në një rritje të niveleve të estrogjenit, mund t’i vërë këto gra në rrezik duke nxitur rritjen e çdo qelize të kancerit që mund të mbetet në trup pas trajtimit.
“Për një periudhë afatgjatë, shtatzënia pas operacionit të kancerit në gji është e sigurt”, – tha autori i studimit Matteo Lambertini, një onkolog në Institut Jules Bordet në Bruksel. “Ne ishim shumë të lumtur ta dëgjonim këtë.”/Gazeta Shneta/