Kontraksionet Braxton Hicks janë të njohura si kontraksione “false” ose “praktike” gjatë shtatzënisë. Ato ndodhin kur muskujt e barkut shtrëngohen dhe ndihmojnë trupin të përgatitet për lindjen duke tonifikuar mitrën, por nuk shkaktojnë lindje dhe nuk tregojnë fillimin e saj.
Ndjesia e tyre është sikur muskujt e barkut të shtrëngohen, zakonisht për 30 sekonda, por mund të zgjasin deri në 2 minuta. Mes tjerash, mund të jenë të pakëndshme, por zakonisht nuk janë të dhimbshme. Shfaqen në mënyrë të parregullt, më shpesh në tremujorin e tretë, edhe pse mund të ndodhin që herët gjatë shtatzënisë, shkruan PregnancyBirthBaby.org.au transmeton Gazeta Shneta.
Dallimet kryesore midis kontraksioneve Braxton Hicks dhe kontraksioneve të lindjes reale janë të qarta:
Braxton Hicks:
– Nuk hapin qafën e mitrës.
– Zgjat rreth 30 sekonda.
– Janë të pakëndshme, jo të dhimbshme.
– Shfaqen dhe zhduken në mënyrë të parregullt.
– Zakonisht ndalen nëse ndryshon pozicionin, ecën ose bën një dush të ngrohtë.
– Ndodhin një ose dy herë në orë deri vonë në shtatzëni.
Kontraksionet e lindjes reale:
– Hapin dhe zgjerojnë qafën e mitrës.
– Zgjatin 30–70 sekonda.
– Janë të dhimbshme dhe kërkojnë vëmendje të plotë.
– Bëhen të rregullta dhe afrohen me kalimin e kohës.
– Intensifikohen me ecje dhe kalojnë në forcë.
Nëse nuk jeni të sigurt nëse po përjetoni kontraksione Braxton Hicks apo lindje reale, është e rëndësishme të kontaktoni mjekun ose maminë tuaj për këshillim. /Gazeta Shneta/