Kujdes me kremin e bebeve, mund të jetë toksik

2017-08-02 në ora 16:44

Jo vetëm tek fëmijët por duke filluar që në shtatzani, sipas mjekëve gruaja duhet të shmangë dietat vegane, pra që lejojnë konsumimin vetëm të frutave dhe perimeve. Këtë e konfirmon mjeku Giussepe Di Mauro, president i shoqatës pediatrike italiane i cili është i alarmuar nga interesi që nënat shpesh kanë pa marrë në konsideratë efektet që shkakton.

Ekperti flet…

Shtatzania është një periudhë ku të gjitha gjërat përjetohen në dy, ku çdo problem ndikon edhe tek fëmija. Gratë që ushqehen në mënyrë vegane kanë probleme serioze si pasojë e mungesës së disa makro dhe mikro elementëve. Dieta mesdhetare është e duhura. Sipas tij në Europë 7.6% e popullsisë janë vegjetarianë.

Përse nënat preferojnë dietën vegane?

Sepse mendojnë se proteinat bimore janë më të shëndetshme se ato shtazore, por një dietë e tillë dëmton rritjen dhe zhvillimin neuro-konjuktiv të fëmijës duke e ekspozuar atë edhe ndaj rrezikut të sëmundjeve të ndryshme ngjitëse apo jo qofshin ato.

Fëmija do të ketë edhe pasoja negative në zhvillimin cerebral sepse mungesa e vitaminës B12, DHA dhe hekurit që ndodhen kryesisht në produktet shtazore do të japë efektin e saj.

Gjithashtu pasojat do të jenë edhe në tretjen e ushqimit për shkak se në trup do të futen aminoacide të ndryshme nga ato shtazore.

Pra duhet të tregoni kujdes përsa i përket mënyrës së ushqyerjes së fëmijës, ajo duhet të përmbajë të gjithë elementët e nevojshëm. Edhe gjatë shtatzanisë dieta ushiqimore duhet të jetë e ekuilibruar.

Një nënë duhet patjetër të informohet në kohë reale për çdo produkt që konsiderohet jo i shëndetshëm për fëmijën, duke qënë se vetitë e tij toksike mund të dëmtojnë rëndë shëndetin.

Për çfarë bëhet fjalë konkretisht?

Në datën 28 korrik, “Rapex” (një sistem që jep alarmin për mos përdorimin e produkteve të cilësuara si të dëmshme brenda Komunitetit Europian), lajmëron të gjitha nënat të kenë kujdes dhe të evitojnë në mënyrë absolute përdorimin e kremit “Cotton tree”. Sipas tyre ky produkt është toksik për beben pasi përmban një sasi propilparabenësh që konsiderohet më e lartë se normalja.

E përdorni këtë krem? Jo më!

Ky produkt që përdoret gjatë ndërrimit të bebelinës nuk i përshtatet rregullave të Komunitetit Europian 1223/2009 në lidhje me produktet kozmetike. Propilparabeni është aq i lartë sa vendos në rrezik shëndetin e fëmijës.

Në shumë vende të botës autoritetet shëndetësore e kanë hequr nga tregu këtë produkt, por nëse ju ndodh t’jua dhurojnë apo ta gjeni “rastësisht” në ndonjë farmaci mos e blini apo përdorni në asnjë mënyrë! E madje nëse e keni në shtëpi e largoni menjëherë!

Përse konsiderohet i rrezikshëm?

Propilparabeni është një substancë toksike e cila deperton nëpërmjet lëkurës dhe më pas rrit rrezikun e shfaqjes së tumoreve. Parabenët ndodhen edhe në shumë ushqime të konservuara apo produkte të thera kozmetike, dhe vlera e lejuar duhet të jetë 0.4 % (produktet kozmetike) dhe 0.14% tek produktet e tjera. Për produktet e përziera (për shembull erëzat) limiti është 0.8%.