Shumë prindër mund të ndiejnë një shqetësim nëse pesëvjeçari i tyre nuk mund të fle pa arushin e preferuar.
Kjo varësi është bërë edhe tema e kryesore përgjatë shumë viteve ku disa argumentojnë se lidhja me objekte të caktuara nga fëmijëria është e panevojshme por edhe e dëmshme, transmeton GazetaShneta.
Pra, kur duhet të shqetësoheni për mbështetjen e fëmijës suaj në lodra ose rroba të caktuara? Dhe si mund t’i inkurajoni ata që të heqin dorë nga kjo shprehi?
E vërteta është se edhe të rriturit kanë objekte varësie. Sa nga ju mund të thoni se nuk keni qenë të varur nga një bluzë? Apo që keni grumbulluar relikte të çmuara? Në fund të fundit, një e treta e të rriturve pranojnë se nuk kanë mundur të përballojnë ndarjen me lodrën e tyre të fëmijërisë.
Nevoja për ngushëllim është pjesë e të qenurit njeri, ndërsa objektet e rehatisë na kujtojnë nje ndjenjë qetësie, sigurie dhe dashurie, shkruan “Health Line”.
Kjo varësi lidhet edhe me raportin e fortë që fëmijët e krijojnë qysh në vegjëli. Qysh në lindje fëmijët kanë nevojë të pashuar për ngrohtësinë e nënës; duke u rrituar atyre u lind nevoja e përkrahjes dhe përkitjes në një grup të caktuar që në ato raste është gjiri familjar.
Kjo i ndihmon ata të ndërtojnë ndjenja të lidhjes së sigurt me prindërit dhe të forcojnë vetbesimin e tyre për t’u ndjerë rehat kur të rriten.
Mund të filloni duke eksperimentuar me shishen e qumështit. Përgjatë kohës sa ata janë më të vegjël ju filloni që t’u ipni nga një gotë me ujë. Kështu ata do të mësohen me idenë se mund të mbajnë në dorë edhe gjëra tjera. /GazetaShneta/