Kur duhet t’ia jepni mishin e pulës foshnjës, çfarë duhet pasur parasysh

2018-03-17 në ora 21:07

Studimet e fundit tregojnë e mishi i pulës duhet të fillohet t’i jepet foshnjës më herët se muaji i 7-të, duke u listuar në ndër ushqimet e para solide.

Pula është një burim i shkëlqyer i proteinave. Ajo gjithashtu është e pasur me vitaminë B6 dhe selen që është një anti-oksidant i fuqishëm. Por, ajo që e veçon pulën nga llojet e tjera të mishit është se përmban më pak yndyrë. Për këtë është mirë që fëmijës të ia jepni mishin e pulës pa lëkurë.

Pjesa më e shëndetshme dhe më e preferuar e mishit të pulës është mishi i bardhë, pra pjesa e gjoskit, por edhe pjesët e tjera janë gjithashtu të shijshme dhe të shëndetshme.

Pulat më të mira janë ato organike dhe jo atë të rritura në mënyrë të fabrikuar, sepse përmbajnë sasi të lartë hormonesh.

Çfarë duhet të keni parasysh kur blini ose gatuani pulë për fëmijët

– Pula duhet të jetë e shëndoshë dhe jo e dobët, por kujdes nëse janë pula të fabrikuara, sepse sa më të shëndosha të jenë, aq më shumë hormone përmbajnë.

– Nëse blini pulë të ngrirë, mos e merrni nëse në qesen e paketimit shikoni një masë të ngrirë. Kjo tregon që pula ka shkrirë e ka ngrirë sërish dhe nuk është aspak e shëndetshme.

– Shkrijeni pulën në një pjatë në frigorifer, jo në temperaturën e dhomës.

– Gjatë përgatitjes mbajeni larg ushqimeve të tjera për të shmangur kontamiminin.

– Ruajeni pulën e përgatitur në frigorifer deri në 24 orë./Pernenat.al/