Edhe pse sot është një sfidë e vërtetë për t’iu përgjigjur pyetjes se kur është koha më e mirë për të pasur fëmijën e parë, fakti është se për nga pikëpamja shëndetësore, shtatzënia e parë është më së miri të jetë para moshës 30-vjeçare.
Edhe pse gjinekologët rekomandojnë që në bazë të kritereve mjekësore dhe biologjike është mirë të vendoset për shtatzëninë e parë para moshës 30-vjeçare, në botë po bëhet trend për lindje më të vonshme të fëmijës së parë.
Një arsye pse rekomandohen lindjet më të hershme është fakti se rreziku i lindjes së fëmijës me çrregullime kromozomale rritet me rritjen e moshës maternale. Rreziku është më i vogël te femrat nën moshën 25-vjeçare dhe ngadalë fillon të rritet mes 25 dhe 30 vjet. Pas moshës 35-vjeçare, rreziku rritet ndjeshmërishtë dhe gratë shtatzënë pas moshës 35-vjeçare futen në grupin e grave shtatzënë të cilat, përveç rrezikut të rritur për çrregullime kromozomale, gjithashtu kanë më shumë shanse për komplikime të ndryshme gjatë shtatzënisë dhe lindjes.
Gjithashtu dihet se mundësia e konceptimit spontan pas moshës 35-vjeçare është konsiduershëm më e ulët, çka do të thotë se një numër i madh i grave në moshën mbi 35 vjet vendosin të bëjnë IVF (ang. In Vitro Fertillization). Për më tepër, statistikat tregojnë se shtatzënitë e grave më në moshë kanë rrezik më të madh të abortit spontan, por gjithashtu edhe komplikime sikurse variacione të tensionit të gjakut, trombozë të venave të thella, diabet gjestacional dhe lindje të parakohshme.
Kësisoj, rekomandohet që për të gjitha gratë shtatzënë, të vjetra por edhe më të reja që futen në grupin e rrezikut të lartë, që të bëjnë teste shtesë dhe teste që tregojnë me probabilitet të lartë nëse foshnja është e shëndetshme apo jo.
Një nga testimet më të mira dhe më të sigurta konsiderohet të jetë NIFTY testi, i cili në një mënyrë shumë të thjesht tregon rrezikun për prezencë të çrregullimeve më të zakonshme kromozomale të fetusit dhe mund të realizohet që nga java e 10-të e shtatzënisë. NIFTY është një test jo-invaziv çka do të thotë se nuk përfshinë penetrimin në trupin e gruas shtatzënë, por është një procedurë e thjeshtë standarde e marrjes së gjakut të gruas shtatzënë, aty ku ndodhet ADN-ja fetale. Një mostër gjaku pastaj dërgohet në laboratorin me saktësinë më të madhe se 99 % në përcaktimin e rrezikut që fryti në ardhje ka disa prej çrregullimeve më të zakonshme kromozomale. Në këtë mënyrë, prindërit në ardhje mund të përgatiten për lindjen eventuale të bebes me çrregullime kromozomale, sikurse që mund të fitojnë kohë për të zbuluar terapitë dhe trajtimet e mundshme që ofron mjekësia bashkëkohore për një çrregullim specifik.
Deri më sot, NIFTY testin e kanë bërë më shumë se 3 milionë gra shtatzënë në gjithë botën, kështu duke shmangur procedurat diagnostike invazive për të diagnostifikuar çrregullimet kromozomale, që për arsye të invazivitetit të tyre ekziston rreziku i komplikimeve të ndryshme si infeksionet, gjakderdhja dhe plasja e ujit fertil dhe në 1-2% të rasteve fatkeqësisht vjen deri në abort spontan. Për dallim nga procedura invazive diagnostike, NIFTY testi, për arsye se është një mënyrë e thjeshtë e marrjes së një mostre gjaku, nuk paraqet ndonjë rrezik për beben e palindur ose për gruan shtatzënë dhe kësisoj është i përshtatshëm për secilën grua shtatzënë.
Në Kosovë dhe Shqipëri, NIFTY testi mund të bëhet në shumë klinika dhe poliklinika gjinekologjike dhe rezultatet e testit bëhen gati për 6-8 ditë pas marrjes së gjakut. NIFTY mundëson secilën grua shtatzënë të dijë për shëndetin kromozomal të foshnjës së saj në një mënyrë të thjeshtë dhe pa rrezik. Me NIFTY testin, shtatzënia e qetë dhe e lumtur është e mundshme!
Për më shumë informata për testin NIFTY, mund ta vizitoni faqen www.niftytest.al.