Vizita e parë tek mjeku do të shoqërohet me një ultrazë (ekografi), e cila këshillohet të jetë vaginale.
Kjo e fundit do të jetë më efektive në pohimin e një shtatzanie krahasuar me atë abdominale. Qesja që do të mbajë beben me siguri do të duket tek një egografi vaginale që në javën e 3 të shtatzanisë. në atë periudhë ajo do të ketë diametër 2-3 mm. Ndërsa veza brenda qeses do të duket në ekografi rreth javës 5.5 të shtatzanisë.
Cfarë ndodh nëse në ekografi qesja gestacionale nuk dallohet në javën e 5?
Nëse kanë kaluar 5 javë nga mesntruacionet e fundit por qesja ende nuk duket në ekografi ndoshta keni ovuluar me vonesë. Mjeku në këtë rast mund t’ju rekomandojë një vizitë tjerër pas disa ditësh ose pas një jave, raporton Bota e Gruas.
Në rast se ju keni kryer më parë analizat Beta hCg dhe vlerat kanë qënë 1500-2000. Dhe në ekografi nuk dallohet qese gestacionale mjeku mund të diagnostikojë shtatzaninë tuaj si jashtë mitre.
Nëse analizat Beta hCG kanë qënë me vlerë të ulët por nuk keni cikël mjeku mund të rekomandojë ekografi tjetër në vijim. Kjo pasi mund të ketë ndodhur një abort i hershëm. Ose mund të keni pasur të bëni me një shtatzani kimike.
Pra shtatzania juaj ka ndaluar së zhvilluari para se qesja të rritej mjaftueshëm për t’u bërë e dukshme në ekografi.