Shkenca thotë se përderisa macet janë të vaksinuara dhe pa baktere, atëherë kjo nuk përbën rrezik për gratë shtatzëna. Gjëja e cila përbën rrezik është vendi ku qëndron macja.
Kjo ndodh për shkak se jashtëqitja e maces mund të mbartë një infeksion parazitik të quajtur toksoplasmosis. Nëse ju infektoheni nga ky parazit gjatë shtatzanisë apo edhe disa muaj përpara ngjizjes, ai mund të shkaktojë shumë difekte të lindura te bebi sidomos në zhvillimin e syve dhe trurit të tij.
Paraziti mund të merret në mënyrë orale, kështu që nëse ju ndotni dorën me të dhe më pas prekni gojën atëherë mund të infektoheni.
Por nëse jeni personi i vetëm që mund të pastrojë vendin ku macja juaj defekon atëherë sigurohuni ta pastroni atë çdo ditë pasi paraziti nuk bëhet infektues pa kaluar 24 orë.
Gjithashtu përdorni dorashka njëpërdorimshe dhe hidhini pas çdo përdorimi. Pasi keni mbaruar me pastrimin, i lani duart me sapun dhe ujë të rrjedhshëm.
Nëse jeni të shqetësuara se mund të jeni të infektuara tashmë nga ky parazit, duhet të njoftoni menjëherë mjekun tuaj dhe të bëni disa analiza gjaku për të kuptuar nëse jeni imune ndaj sëmundjes.
E në rast se jeni prekur nga ky parazit, sistemi juaj imunitar e ka gjetur mënyrën për tu mbrojtur ndaj tij dhe nuk keni asgjë për tu shqetësuar, por nëse nuk keni fituar imunitet doktori juaj do t’ju rekomandojë ilaçet e nevojshme për të minimizuar efektet e sëmundjes./pernenat.al/