Sipas Emily De Franko dhe kolegëve të saj në spitalin “Children’s hospital medical center” ekzistojnë disa faktorë që ndikojnë në mënyrë të drejtpërdrejt në lindjen e parakohshme, pra para javës së 37 të shtatzanisë.
Për çfarë bëhet fjalë?
Pesha trupore e gruas
Ndikon negativsh qoftë nëse pesha është shumë e madhe apo shumë e vogël. Nëse pesha që do të merrni në shtatzani do të jetë shumë e madhe ose shumë e vogël do të përbëjë problem.
Koha jo e mjaftueshme e pushimit midis një shtatzanie dhe tjetrës
Sipas të dhënave të paraqitura nga mjekët, intervali më i përshtatshëm i referohet kohës prej 12-24 muajsh nga shtatzania parardhëse, dhe rreziku do të jetë më i lartë nëse shtatzania do të ndodhë brenda vitit pas lindjes. Ai do të rritet edhe nëse kalojnë dy vjet nga shtatzania e parë.
Rëndësia e BMI-së trupore
Pra i përmasave tuaja trupore. Mjeku juaj duhet të llogarisë BMI tuaj dhe në varësi të kësaj pesha juaj duhet të përshatet. Nëse keni një BMI më të madhe se 30 do të jeni më të rrezikuara, si edhe nëse keni një BMI më të vogël se 18.5. Midis 18.5 dhe 24.9 konsideroheni me një BMI normale.
Pesha duhet të jetë:
- 12,5-18 kg për ato gra me BMI nën 18,5;
- 11,5-16 kg për ato gra me BMI midis 18,5 dhe 24,9;
- 7-11,5 kg për ato gra me BMI midis 25 dhe 29,9;
- 5-9 kg për ato gra me BMI mbi 30.