Fëmijët e lindur përmes prerjes cezariane, kanë pesë herë më shumë të ngjarë të zhvillojnë alergji nga mosha dy vjeç e sipër, sesa ata që lindin përmes një lindje normale.
Zbulimi erdhi nga një studim i ri i kryer hulumtuesit e spitalit Henry Ford dhe u prezentua në Akademinë Amerikane të Alergjisë, Astmës dhe Imunologjisë në takimin vjetor në San Antonio, shkruan burimi WebMd përcjell Gazeta Shneta.
Gjetjet përkojnë me hulumtimet e mëparshme të cilat demonstruan që fëmijët e lindur me prerje cezariane kanë më shumë të ngjarë të kenë astmë sesa foshnjat që lindin natyrshëm.
Për të mësuar më shumë rreth komplikimeve të shtatzënisë KLIKO KËTU.
Ndër të tjera, thuhet se në raportet e mëparshme është mbështetur fakti se fëmijët me prerje cezariane kanë një rrezik në rritje të alergjive ushqimore dhe diarresë gjatë vitit të parë të jetës.
Autore kryesore e studimit Christine Cole Johnson, tha për burimin WebMd se:
“Kjo avancon më tej hipotezën e higjienës që ekspozimi i hershëm i fëmijës ndaj mikroorganizmave ndikon në zhvillimin e sistemit imunitar dhe fillimin e alergjive. Ne besojmë se ekspozimi i një fëmije ndaj baktereve në kanalin e lindjes është një ndikues kryesor në sistemin e tyre imunitar”. /Gazeta Shneta/