Nganjëherë nuk është fare e nevojshme ta editosh mirë fotografinë, të rregullohesh e të bësh gjithçka që fotografia të pëlqehet shumë nëpër rrjetet sociale, e fotografia e mëposhtme është një shembull konkret për këtë, transmeton Gazeta Shneta.
Thaise de Mari është blogere e modës nga Brazili, njëherazi nëna e vajzës Karmel.
“Selfie” e mëposhtme që ka bërë ajo, është një nga fotografitë më të veçanta e cila ka marrë mbi 18,000 pëlqime, dhe mbi 400 komente.
Aty ishte momenti kur solli në jetë vajzën e saj me lindje cezariane.
Në mbishkrim, ajo ka shkruar se fotografia nuk është edituar fare, madje nuk është interesuar nëse duket bukur ajo apo flokët e saj, madje as makijazhi.
Nuk janë vetëm prindërit në foto që duken tejet të lumtur, në “selfie” është inkuadruar edhe bebja e tyre e sapoardhur në jetë, e cila erdhi me një buzëqeshje të lehtë dhe engjëllore. /Gazeta Shneta/