Shërbimi Spitalor Klinik Universitar i Kosovës sot gjatë ditës ka bërë rishpalljen e konkursit për katër drejtor në katër njësi të saj në komunën e Gjakovës shkruan Gazeta Shneta.
Në konkursin e publikuar në uebfaqen e ShSKUK-së bëhet e ditur se konkursi është rishpalluar për drejtor të përgjithshëm në Spitalin e Gjakovës, drejtor të Qendrës Kombëtare të Telemjekësisë, drejtor në Qendrën Kombëtare të Mjekësisë së Punës si dhe drejtor i Qendrës Kombëtare të Mjekësisë Sportive në po të njejtën komunë.
Kontrata është tre vjeçare dhe kandidatët kanë tre muaj punë provuese.
Në njoftim gjithashtu bëhet e ditur se kandidatët të cilat kanë aplikuar në konkursin e datës 25 shkurt 2022 nuk kanë nevojë të aplikojnë përsëri.
Kandidatët kanë të drejtë aplikimi nga sot deri më 29 mars 2022.
Duke klikuar KËTU mund t’i gjeni detajet e konkursit. /Gazeta Shneta/