Mamia Razije Musa u ka bërë apel të gjitha nënave që të mos panikojnë e stresohen ato dhe e gjithë familja, në rast se nuk arrijnë ta qetësojnë foshnjën e tyre nga të qarat.
Më tutje, mamia Musa ka bërë të ditur se është shumë normale që një i porsalindur të qaj e të mos rehatohet, ngase do t’i përjetojë të gjitha problemet e zakonshme që i përjetojnë bebet e tjera, shkruan Gazeta Shneta.
“Eshte shume normale qe nje i posalindur te qaj, te qaj me panike, te mos rehatohet here pas here, te kete gazra, ngerqe etj etj.”, thekson mamia në postimin e saj.
Ndër të tjera, ajo ka ngritur moralin e nënave, duke thënë se insinkti i fortë i nënës asnjëherë nuk gabon.
“Nena asnjehere nuk gabone, ngaqe ajo e ka instiktin e forte per foshnjes e saj dhe mund ta ndjeje shqetsimit e bebes.”, vazhdon ajo më tutje në postimin e saj./Gazeta Shneta/