Stina e verës është periudha kur shumë prindër planifikojnë pushime familjare, shpeshherë duke përfshirë edhe fëmijët e tyre të vegjël. Por kur është koha e duhur për ta çuar një bebe në det?
Mamia Razije Musa ka ndarë disa këshilla të vlefshme për prindërit e rinj, duke theksuar se udhëtimi drejt bregdetit kërkon përgatitje dhe kujdes të veçantë.
Sipas mamisë Musa, prindërit mund të fillojnë të udhëtojnë me beben në det që pas moshës dy muajshe, por me disa kushte të rëndësishme.
Ajo theksoi se muajt më të përshtatshëm për pushime me bebe janë maji, qershori dhe shtatori, kur temperaturat janë më të buta dhe rrezet e diellit më pak agresive.
“Dielli mund të jetë thikë me dy teha”, thekson mamia Musa, duke kujtuar se ndonëse rrezet diellore janë burim energjie dhe vitamine D, ato mund të jenë të rrezikshme për të vegjlit nëse nuk merren masat e duhura.
Postimi i plotë:
KUR MUND TË SHKOJ NË DETI ME BEBEN?
Ju mund të shkoni në deti qysh kur beba mbush 2 muaj por duhet të keni parasyshë disa gjëra.
1. Nuk sugjeroj të shkoni në deti derisa bebi nuk mund të mbajë qafën stabile.
2.Prej lindjes deri në 6 muaj mos e ekspozoni në diell sepse nuk lejohet as përdorimi i kremave.
3.Beben para një viti nuk duhet ta leni as nën qadër sepse mund t’i dëmtohet lëkura.
4.Bebes nuk i jepet ujë pa filluar ushqimin edhe nëse jeni në deti.
5.Ju mos ngurroni me shku në deti me beben, por kujdes me muajtë që zgjedhni. Muaji Maj, Qershor dhe Shtator është ideal.
Mos harroni dielli mund të jetë thikë me dy teha.
Me dashuri,
Razija