Mund të lexoni libra gjatë 9 muajve, të lundroni me ora të tëra në internet, të mblidhni përvojat e mikeshave dhe në momentin kur jeni në sallën e lindjes, asgjë të mos përkojë me atë qe keni pritur. Për të qenë sa më të përgatitura Living do të ndajë të gjitha gjërat që duhet të dijë çdo grua shtatzënë sipas gjinekologes dhe mamisë.
– Data e lindjes nuk përkon gjithnjë me atë datë që është planifikuar nga mjekët. Mund të ndodhë të lindni më herët, ashtu si mund të ndodhë që bebi të jetë kokëfortë dhe të lindë disa ditë ose dhe jave me vonesë.
– Plasja e ujerave nuk është si në filma
Mund të mendoni që keni urinuar pa vetëdije kur në fakt ato kanë qenë ujrat që ju kanë plasur. Prej jush nuk do të derdhet një depozitë ndaj mos merrni të mirëqenë ato skenat e famshme të filmave ku gruas i plasin ujrat si një tullumbac.
– Procesi i lindjes do të zgjasë më shumë nga se keni menduar
Përgjithësisht një grua e cila lind për herë të parë mund të kërkojë 12 deri në 18 orë për të lindur. Mund të kaloni 3 orë duke shtyrë e fëmija sërisht të tregohet kokëfortë e të mos lindë.
– Mund të ndodhë të ndosni krevatin me jashtëqitje, por kjo gjë është normale, ndaj mos u shqetësoni për gjinekologen, maminë e njerëzit e tjerë rreth jush.
– Gjidhënia nuk është gjithmonë intuitive
Klikoni në këtë link për vështirësit më të mëdha që mund të ketë një grua gjatë shtatzënisë.
– Qumështi mund t’ju vonohet 2 deri në tre ditë.
– Do të dukeni shtatzënë edhe pasi të sillni në jetë fëmijën tuaj.
– Jo vetëm bebi, por dhe nëna do të veshë pelena për shkak të sekrecione dhe gjakderdhjes pas lindjes për 2 ose 3 ditë.